ព្រះសីហនុ: នាវាស្វ័យការពារជប៉ុន២គ្រឿងដែលផ្ទុកនាវិកជិត ២០០នាក់បានចូលចតនៅដែនសមុទ្រកម្ពុជាហើយនៅព្រឹកថ្ងៃទី១៥ ខែមីនា ឆ្នាំ២០២២ ដើម្បីអបអរខួប៣០ឆ្នាំនៃបេសកម្មរក្សាសន្ដិភាពរបស់ប្រទេសនេះ។
ការចូលចតនេះត្រូវទទួលស្វាគមន៍ដោយរដ្ឋមន្ត្រីការពារជាតិកម្ពុជា សម្ដេចពិជ័យសេនា ទៀ បាញ់។
នាល្ងាចថ្ងៃទី១៥ ខែមីនា នេះកងនាវិកជប៉ុនក៏នឹងត្រូវបាននាយករដ្ឋមន្ត្រីកម្ពុជា សម្ដេចតេជោ ហ៊ុន សែន អញ្ជើញសំណេះសំណាល និងជួបភោជនីអាហារដល់នាវិកនៃនាវាស្វ័យការពារជប៉ុនទាំងជិត ២០០នាក់នេះផងដែរ។
នាវស្វ័យការពារជប៉ុនទាំងពីរគ្រឿង មានឈ្មោះទី១. URAGA – 463 មាន បណ្ដោយ ១៤១ម៉ែត្រ ទទឹង ២២ម៉ែត្រ ជម្រៅទឹក ៥,៤ ម៉ែត្រ មានទម្ងន់ផ្ទុក ៥.៦៥០តោន និងមាននាវិកចំនួន ១២៦នាក់។ នាវាទី២. HIRADO – 305 មានបណ្ដោយ ៦៧ម៉ែត្រ ទទឹង ១១ម៉ែត្រ ជម្រៅទឹក ២,៧ ម៉ែត្រ មានទម្ងន់ផ្ទុក ៦៩០តោន និងមាននាវិក ចំនួន ៥៤នាក់។ នាវាទាំង២ដឹកនាំ បញ្ជារួមដោយលោក Noguchi Yasushi មេបញ្ជាការ កងពលធំទី១ បោសសំអាតមីន ប្រចាំតំបន់ឥណ្ឌូប៉ាស៊ីហ្វិក៕